Nedtur i første juniorkamp i 2. divisjon

Osterøy-OFK 3-2.
Med  godt mot drog Odda med 12 friske og ein halvskadd på jomfrutur over Osterøybrua, men drog det kortaste strået mot store sterke Osterøyjuniorar. Oddastallen er liten, og uten ein einaste 92- eller 91-spelar, og med 2 langtidsskader og bl.a. Leif og Leiv på andre turar, blir det tøft til og med i 2. divisjon når ein får skader.

 

16.8.2010

Tid	Ost	OFK	Mål	M.g.	Kommentar
3	1	0			Gjennomløp av høgre ving, Tsjabalalamål!
39	1	1	MF	BB	Bjarte spelte igjennom Martin, som åleine med keeper scora
60	2	1			Gjennomspel, spissen avsluttar i løpsduell med Hallvard.
75	3	1			Sterk prestasjon av Osterøyspelaren
85	3	2	BB	BN	Stikkar til Bjarte, som omtrent låg og scora

 

Med:

Lars Fjæra, Tore Stengårdsbakken, Hallvard Vangen, Sondov Stueland, Håvard Stengårdsbakken, Behzad Nazari, Daniel Kambestad, Martin Finne, Øystein B. Jacobsen, Johan Kristoffer G. Bøen, Bjarte Brekke, Vegard Svenning, Eirik Sondre Husby.

 I ein kamp Odda dominerte i periodar blir det eit surt tap i første kamp i 2. divisjon.

 Odda gjekk ut med ein forholdsvis offensiv 4-4-2- oppstilling, med JK og Bjarte på topp. Osterøy ser tidleg den bakre firaren sine tempoproblem, og slår presist gjennom på løp frå midtbanen, men er heldigvis ikkje så kvasse framfor mål. Tredje gongen åleine med keeper skyt Osterøy-vingen eit Tsjabalala-skot tverrliggar stang inn, eit lykketreff til voldsom jubel frå heimepublikummet. Målet var iflg Stengårdsbakken så tåsje at det skulle vore annulert.

 

Odda har ballen mest, og har trua trass i dårleg start (som vanleg).

Etter 10 minutt får Daniel ein dobbeltsjanse uten å lukkast. Bjarte slit seg til eit par avslutningar, men lukkast ikkje han heller. JK driblar seg elegant fri på venstre sida, men avsluttar utanfor, uvanleg til han å vera. Odda nærmar seg, Osterøy kjem knapt til lenger. Etter 36 minutt legg Øystein BJ nydeleg inn til Bjarte, som nikkar svakt over. Og i det 39. minutt kjem endeleg utlikninga. Martin blir fint spelt gjennom av Bjarte, og scorar sikkert åleine med keeper.

 

I pausen legg Odda om til 4-5-1 sidan JK blei skada, og for å ta grep om midtbanen. Dette går fint i starten. BJ legg inn til ein god Behzad som nikkar over. Etter 10 minutt legg Håvard knallhardt inn på lengste. Bjarte er på ballen, men han går utanfor. Kjempeangrep! Mot spelets gang snappar Osterøy ein pasning på midten, spelar gjennom spissen som scorar i løpsduell med Hallvard. 15 minutt etter scorar dei igjen. Eit innlegg går over Håvard, spissen blir takla av BJ men får merkeleg nok med seg ballen og skyt overraskande i lengste. Odda deppar mest på sidelinja, men har åndsnærværelse til å legga om til 4-4-2. På banen kjem BJ og ein tilfriskna JK til ein kjempesjanse på venstresida, men det vil seg ikkje mot ein god Osterøykeeper. Bjarte derimot vil, og får til slutt eit fortent mål på pasning frå Behzad. I sluttminutta er det venstreback Håvard som kjem til største sjansen, men Osterøy vinn overraska,  jublande og litt ufortent (ifølge ein kjempenøytral Kambestad) 3-2.

 

Relaterte linker